ملتقى اهل اليمن
تم نقل الملتقى الى الرابط التالي

http://www.yemen90.co.cc/vb/index.php

فحياكم الله


اتاكم اهل اليمن هم ارق قلوباً و الين افئدة ..... الايمان يماني و الحكمة يمانية
 
الرئيسيةالبوابةبحـثالتسجيلدخول
تم التحول الى شبكة اهل اليمن والتي

تم اعتمادها رسمياً بتاريخ 26/7/2011م وعليه نرجوا من كافة الاعضاء

الاعزاء توجيه جهودهم الكريمة الى شبكة اهل اليمن و نقل كافة مواضيعهم الخاصة

الى الرابط الجديد    www.yemen90.co.cc  لكي تستمر معنا الى اخر

المشوار

تحياتي لكم اعزائي و ننتظر تالقكم في الشبكه الجديدة


ادارة ملتقى اهل اليمن

قطرة مطر

شاطر | 
 

 افيد 9 اكلات لقلبك ولبشرتك

اذهب الى الأسفل 
كاتب الموضوعرسالة
مذهلة
عضو متالق
عضو متالق
avatar

الجنسية :
النوع : انثى
عدد المساهمات : 580
14673
النقاط : 40
تاريخ الميلاد : 26/10/1980
تاريخ التسجيل : 30/01/2011
العمر : 37
الموقع : مكه
مجنونه ورايقه

مُساهمةموضوع: افيد 9 اكلات لقلبك ولبشرتك   الأحد مايو 22, 2011 5:29 pm


الطب النبوي و الطب البديل و التداوي بالاعشاب

افيد 9 اكلات لقلبك ولبشرتك

بتحبي الأكل وما بتقدريش تقاومي أي أكل بتشوفيه قدامك؟!! بس لما بتقعدي بينك وبين نفسك بتخافي من اللي بتسمعيه عن إن الأكل الكتير بيسبب زيادة نسبة الكوليسترول في الدم أو ارتفاع ضغط الدم، أو -لا قدّر الله- الإصابة بأزمة قلبية مفاجئة، وخصوصا إن الموضوع ده انتشر في الفترة الأخيرة بين الشباب.. بس اللي أنت ما تعرفهوش إن الطبيعة مليانة بالمصادر اللي ممكن إنها تحمي قلبك من خطر الإصابة بأي أزمة قلبية.. علشان كده النهارده هنتعرّف مع بعض على تسع أكلات مفيدة لصحة قلبك، مش كده وبس دي كمان هتساعدك على الحصول على بشرة صافية خالية من أي مشاكل..

1-السردين

[ندعوك للتسجيل في المنتدى أو التعريف بنفسك لمعاينة هذه الصورة]

يعتبر سمك السردين من أفيد أنواع الأسماك للصحة؛ وده لإنه بيحتوي على نسبة كبيرة من أحماض الأوميجا 3 الدهنية اللي بتساعد الأشخاص المصابين بأمراض ارتفاع ضغط الدم على تخفيض ضغطهم، والوقاية من النوبات القلبية والسكتات الدماغية..

مش كده وبس ده كمان تناول سمك السردين مرتين في الأسبوع بيساعد على تأخر ظهور التجاعيد، وبكده بيحميكِ من مشكلة ظهور التجاعيد مبكراً.

وخدي بالك لو ما كنش متوافر قدامك سمك السردين أو لو مش بتحبيه يبقى ممكن إنك تستبدليه بالتونة أو سمك الماكاريل أو الرنجة أو السلمون؛ لأن كل الأنواع دي بتحتوي على نفس فوايد السردين، وبصفة عامة يا ريت تبعدي نهائياً عن الأسماك الموجودة في المزارع؛ لأن معظمها غير صحي نتيجة تعرضها المستمر للمبيدات.

2-زيت الزيتون

[ندعوك للتسجيل في المنتدى أو التعريف بنفسك لمعاينة هذه الصورة]

دائماً بنسمع في الإعلانات عن إن السمنة الفلانية والزيت الفلاني بيساعدوا على خفض نسبة الكوليسترول في الدم، والكلام ده طبعا غير صحيح بالمرة؛ وده لأن زيت الزيتون هو الزيت الوحيد اللي بيساعد على خفض نسبة الكوليسترول في الدم، مش كده وبس ده كمان بيقلل من خطر الإصابة بأمراض القلب؛ وده لأنه مليء بالدهون غير المشبعة المفيدة للجسم.. أما بالنسبة للبشرة فماسك زيت الزيتون بينعم وبيغذي البشرة.

3-المكسرات

[ندعوك للتسجيل في المنتدى أو التعريف بنفسك لمعاينة هذه الصورة]


طبعا اللي هتشوف كلمة المكسرات دي هتخاف أوي، وتقول معقول إن المكسرات لها فايدة للجسم، دي حتى معروف عنها إنها بتحتوي على نسبة عالية من السعرات الحرارية.

هاقول لك آه فعلاً المكسرات بتحتوي على نسبة عالية من السعرات الحرارية بس ده ما يمنعش إن تناولها باعتدال بيساعد على خفض معدل الكوليسترول في الدم، وبيقلل من خطر الإصابة المفاجئة بالأزمات القلبية‏؛ بسبب احتوائها على نسبة عالية من حمض "ألفا لينولييك" اللي بيساعد في تنظيم ضربات القلب‏، كمان بتحمي من الإصابة -لا قدّر الله- بسرطان القاولون؛ وذلك لاحتوائها على نسبة عالية من الألياف.

وعلى فكرة الجوز بيحتوي على أحماض الأوميجا 3 الدهنية، ويحتوي أيضاً اللوز والبندق على دهون غير مشبعة مفيدة للجسم، وبكده تعتبر المكسرات هي كمان مصدر للدهون الصحية المفيدة للجسم.

أما بالنسبة للبشرة فهتلاقي إن ماسك اللوز من الماسكات اللي بتساعد على تفتيح البشرة من أشعة الشمس.

4-التوت


يمتلئ التوت الأبيض أو الأسود أو العنب أو الفراولة بأدوية مضادة للالتهابات، على التخلّص وبكده بيقلل من تراكم الدهون في الجسم والوقاية من خطر الإصابة بأمراض القلب والسرطان، أما بالنسبة للبشرة فهتلاقي إن ماسك الفراولة بيساعد البشرة من حروق الشمس.

5-البقول

[ندعوك للتسجيل في المنتدى أو التعريف بنفسك لمعاينة هذه الصورة]

البقول بكل أنواعها زي العدس والحمص والفاصوليا البيضاء واللوبياء.. بتحتوي على الألياف وعلى أحماض الأوميجا 3 الدهنية المفيدة للجسم، وده السبب اللي بيخلينا نقول إن البقول من البروتينات النباتية المفيدة للجسم؛ لأنها بتحتوي على دهون غير مشبعة بتقلل من زيادة نسبة الكوليسترول في الجسم.

أما بالنسبة للبشرة هتلاقي إن ماسك الفاصوليا لو عملتيه مرة كل أسبوع هيساعدك على التخلّص من مشكلة النمش، مش كده وبس ده كمان هيساعدك على تنظيف بشرتك من البثور والرؤوس السوداء.

6-السبانخ

[ندعوك للتسجيل في المنتدى أو التعريف بنفسك لمعاينة هذه الصورة]


بالرغم من إننا كلنا بنكره السبانخ ومش بنطيق حتى نسمع سيرتها، بس على فكرة السبانخ مليانة قيمة غذائية عالية؛ حيث تحتوي على حديد ولوتين وحامض الفوليك والبوتاسيوم والألياف وده بيخليها تحافظ على الأداء الصحي والسليم للقلب وشرايين الجسم.

أما بالنسبة للبشرة فماسك السبانخ من الماسكات اللي بتساعد على تقوية البشرة وحمايتها من أي أضرار ممكن أنها تتعرّض لها.

7-بذور الكتان

[ندعوك للتسجيل في المنتدى أو التعريف بنفسك لمعاينة هذه الصورة]
تمتلئ بذور الكتان الناضجة بأحماض أوميجا 3 وأوميجا 6 الدهنية، ولو رشيتِ شوية من بذور الكتان على أكلك هتقدري تحافظي على سلامة قلبك من أخطار الإصابة بأي مرض، مش كده وبس ده دي كمان بتساعد على تكوين الأنسجة العضوية والخلاياء وخصوصا خلايا الدماغ والجهاز العصبي، كمان بتساعد على خفض نسبة الكوليسترول في الدم، وتنظيم ضغط الدم.

أما بالنسبة للبشرة فاستخدام ماسك زيت بذور الكتان بيساعد على التخلص من تجاعيد الوجه والرقبة.. وعلى فكرة بذور الكتان موجودة عند العطار.

8-فول الصويا


[ندعوك للتسجيل في المنتدى أو التعريف بنفسك لمعاينة هذه الصورة]

يتميز فول الصويا عن بقية الأنواع الأخرى من البقول بأنه يحتوي على جميع الأحماض الأمينية الأساسية الضرورية لجسم الإنسان لصنع البروتين النباتي، كما أنه يتميز عن البروتين الحيواني بأنه خالٍ من الشحوم والكوليسترول وده اللي بيخليه مفيد جداً في تخفيض نسبة الكوليسترول في الدم، مش كده وبس ده كمان بيساعد على تقليل نسبة الإصابة بالأمراض السرطانية وبيخفف من هشاشة العظام خصوصا عند النساء بعد سن الأربعين.

أما بالنسبة للبشرة فماسك فول الصويا بيساعد على أعطاء البشرة جمال وحيوية وترطيب.

9-دقيق الشوفان

[ندعوك للتسجيل في المنتدى أو التعريف بنفسك لمعاينة هذه الصورة]

يا سلام لو تبدئي يومك بأي طبق داخل ضمن مكوناته دقيق الشوفان؛ وده لأن دقيق الشوفان مليان بأحماض الأوميجا 3 الدهنية وحمض الفوليك والبوتاسيوم، وعلى فكرة دقيق الشوفان مش بس بيخفض مستويات الكوليسترول المرتفعة في الدم، لأ ده كمان بيحافظ على نقاء الشرايين وعدم إصابتها بالانسداد.

أما بالنسبة للبشرة فماسك الشوفان بيساعد البشرة على التخلص من علامات الأجهاد والإرهاق اللي ممكن إنه يظهر عليها، ويمكنك الحصول على دقيق الشوفان من أي سوبر ماركات.

منقووول
الرجوع الى أعلى الصفحة اذهب الى الأسفل
احمدهاشم النجار
عضو محترف
عضو محترف
avatar



الجنسية :
النوع : ذكر
عدد المساهمات : 6623
23416
النقاط : 21
تاريخ التسجيل : 29/08/2010
لك الحمد يا رب العالمين

مُساهمةموضوع: رد: افيد 9 اكلات لقلبك ولبشرتك   الإثنين مايو 23, 2011 7:26 am

مشكوووووووووووورة مذهله

بارك الله فيك وجزاك خير الجزاء

حضور متميز مذهله

تقبلي تحياتي
الرجوع الى أعلى الصفحة اذهب الى الأسفل
مذهلة
عضو متالق
عضو متالق
avatar

الجنسية :
النوع : انثى
عدد المساهمات : 580
14673
النقاط : 40
تاريخ الميلاد : 26/10/1980
تاريخ التسجيل : 30/01/2011
العمر : 37
الموقع : مكه
مجنونه ورايقه

مُساهمةموضوع: رد: افيد 9 اكلات لقلبك ولبشرتك   الإثنين مايو 23, 2011 6:31 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
افيد 9 اكلات لقلبك ولبشرتك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى اهل اليمن  :: الملتقى الاسلامي  :: ملتقى الطب النبوي والطب البديل-
انتقل الى: